còmhla ri Cathy NicDhòmhnaill

Chuala sinn bho Patsi NicChoinnich agus Jessie Boydell Diardaoin mar a tha iomairt taghaidh na Frainge air a bhith cho connspaideach.

Tha ceistean gu leòr dhan togail mu thaghadh Ameireaga, ach a bheil slàinte a' chinn-suidhe Biden nam measg? Le iomraidhean agus bhidiothan air a' chuspair a' cuairteachadh Biden air na meadhanan sòisealta, bha Mìcheil MacAoidh a' mìneachadh dhuinne mar a tha meadhanan Ameireaga a' làimhseachadh na ceist.

Agus buinidh cèiliche na seachdain, Tormod Macleòid, do bhaile Phort Mholair ann an sgìre an Rubha ann an Leòdhas far a bheil e air a bhith a' ruith bhùithtean airson iomadh bliadhna. An toiseach bha e a' falbh le bhan air feadh na sgìre agus e a-nise na stiùiriche air bùth choimhearsnachd an Rubha, far a bheil e ag obair gu saor-thoileach.

Chaidh an t-Oll Dòmhnall Uilleam Stiùbhart a dh'Albainn Nuadh o chionn ghoirid air turas inntinneach tro eachdraidh nan Gàidheal sa sgìre, agus e ag ionnsachadh mu sheann bhaile bàn cuideachd. Thàing e a dh'innse dhuinn mu dheidhinn.