le Cathy NicDhòmhnaill

'I'm not a young guy' - sin a tha Ceann-suidhe nan Stàitean Aonaichte, Joe Biden, ag ràdh ann a sanas ùr, air thoiseach air taghadh na Samhna. Tha Mgr Biden 81 agus Dòmhnall Trump a bhios a' feuchainn na aghaidh, 77. A bheil aois na chnap-starra ann am poilitigs? A bheil leithid a rud ann ri bhith ro aosta air an son? Tha Cathy a' trusadh bheachdan.

Chaidh lorg fhaighinn air cnàmhan an Rìgh Richard III fo phàirc-chàraichean ann an Leicester ann an 2012. Chaidh dràma a dheànamh mun a sin sa film, The Lost King. Ach tha fear a bha an sàs anns a' chùis ga rìreabh, a-nise a' toirt na sgrìobhaichean gu lagh, is e a' gearain mar a chaidh a riochdachadh sa film. Dè 'n t-uallach a th' air cleasaichean agus sgrìobhaichean mun dealbh a tha 'd a' tarraing air daoine?

Tha Aonghas Pàdraig Caimbeul air ais, is e air a bhith a' rùileach tro thasglann nam pàipearean-naidheachd, a' sireadh sgeulachdan inntinneach agus annasach a nochd annta air an t-seachdain s' ann an eachdraidh. An-diugh tha e a' togail air obair air an rathad eadar Dùn Èideann is Glaschu agus cead chafaidhean a bhith fosgailte gu às dèidh 9.30 a dh'oidhche!