Taghadh na seachdain còmhla ri Cathy NicDhòmhnaill

Bha comhairle Baile Ghlaschu a' cumail choinneamhan an t-seachdain sa airson aontachach dè na leasachaidhean a thèid a dhèanamh air meadhan a' bhaile, gu h-àraid sràidean Earra-Ghàidheal, Bochanan agus Sauchiehall. Fhuair Cathy molaidhean bho thriùir a tha a' fuireach sa bhaile.

A' comharrachadh gu bheil dà fhichead bliadhna bho thòisich Fèis Eadar-nàiseanta Leabhraichean Dhùn Èideann chaidh Cathy NicDòmhnaill agus Dòmhnall Iain Dòmhnallach gu Ceàrnag Sheàrlot an Dùn Èideann far an robh toiseach tòiseachaidh na fèise.

Buinidh cèiliche na seachdain sa, Brian Ò hUiginn, do sgìre Ráth Garbh de Bhaile Àtha Cliath. Tha e na Òraidiche ann am Poilitigs agus Ceòl agus aithnichte airson a bhith a’ cluich na pìob uilinn.

Agus tha ceud bliadhna bho nochd bràiste gu math ainmeil air càraichean – càraichean air a bheil miann mòr aig daoine chun a' là an-diugh. Dh' innis Aonghas MacCumhais agus Coinneach MacMhathain dhuinn dè a tha cho tarraingeach mun MG.