còmhla ri Cathy NicDhòmhnaill

Tha an t-seachdain sa ga chomharrachadh mar Neurodiversity Week a tha a' tarraing aire gu mar as urra dhan eanchainn a bhith ag obair ann an dòighean eadar-dhealaichte. Tha iomairt eile a dol na chois, a tha a' tarraing aire, fad na seachdain, gu Cànan-soidhnidh. An-diugh, tha Murchadh MacLeòid, a tha ag obair aig Bòrd Slàinte nan Eilean Siar a' dol a mhìneachadh mar a bhios seirbheis slàinte na h-Alba a' brosnachadh 's a' cur taic ri daoine.

Agus cluinnidh sinn bho Chalum Iain Bartlett mu na h-innealan didsiteach a tha ri fhaotainn airson taic a thoirt do dhaoine aig a bheil trioblaidean le fradharc agus claisneachd.

Thòisich prògram aithriseach ùr air Seanail 4 a-raoir mu Paula Yates, a bha fìor ainmeil tro na 80an 's na 90an mar phreasantair telebhisein. Bhàsaich i gu h-obann sa bhliadhna 2000 aig aois 41. Bha e air a ràdh gu robh i cho ainmeil na là ris a' Bhana-phrionnsa Diana. Carson? Agus cò ris a tha am prògram ùr seo coltach? Tha Cathy ann an còmhradh ri feadhainn a bha ga choimhead a-raoir.

Agus tha Calina NicDhòmhnaill a' toirt dhuinn comhairle air dè a tha còir againn a chumail sa frids agus dè an sgealf air am bu chòir na nithean sin a bhith.