còmhla ri Cathy NicDhòmhnaill

Tha sinn a' cumail oirnn a' toirt sùil air Gàidheil a thadhail air an Antartaig. Chuala sinn an t-seachdain a chaidh mu Mhurchadh Moireasdan à Nis ann a Leòdhas a bh' air criutha an Discovery eadar 1929 agus 1931 a' dol dhan Antartaig. An-diugh, cluinnidh sinn mu sgiobair an turais, an Caiptean Coinneach Tormod MacChoinnich, à Tiriodh.

Leis gu bheil comhairle na Gàidhealtachd an dùil gluasad a-mach à Taigh a' Bhaile, togalach eachdraidheil anns a bheil iad air a bhith coinneachadh bho 1882, air an oiseanan Àrd-Shràid agus Sràid a' Chaisteil ri linn 's g bheil e air fàs ro chosgail a chumail a' dol, tha sinn a' faighneachd dè cho cudromach 's a tha e seann thogalaichean a dhìon san bailtean againn agus dè na h-atharraichean a tha a' tighinn air meadhan baile Inbhir Nis fhèin?

Gheibh sinn a-mach mu obair agus dìleab an sgrìobhaiche fasain Hilary Alexander, a chaochail air an deireadh sheachdain bho Sandra Mhoireach.

Agus tha Aonghas Pàdraig Caimbeul a' leantainn air a' coimhead air pìosan bàrdachd ainmeil. An-diugh tha e a' taghadh dàin is obair Robert Frost.