Còmhla ri Cathy NicDhòmhnaill

Tha planaichean fainear airson tuathanas feamainn aibheiseach mòr anns A' Chuan Siar a Deas. Tha Iain MacAonghais a' mìneachadh dè cho èifeachdach 's a dh'fhaodadh seo a bhith airson iomadh rud.

Tha Aonghas Pàdraig Caimbeul a' tòiseachadh air sreath ùr, a' coimhead air pìosan bàrdachd ainmeil. Tha e a' tòiseachadh an-diugh le bàrdachd gu math iomchaidh - To Autumn le John Keats.

Tha Beathag Mhoireasdan air ais mar cheiliche na seachdain. Rugadh is thogadh Beathag ann an Ungaisiadar an Ùige Leòdhais, àite a tha dlùth ga cridhe. An t- seachdain a chaidh, chuala sinn Beathag ag innse mu h-òige anns a' bhaile agus mu a beatha-obrach ann an Glaschu agus an Earra-Ghàidheal. An-diugh, tha i ag innse an tuilleadh mu na diofar dhreuchdan a bh' aice agus an ceangal dlùth a bh' aice ris a' Mhòd, gu h-iondail agus gu nàiseanta.