Gàbhadh 's Gàrradh

'S e iasgair a th' ann a Murchadh MacIllFhinnein, Murchadh Aonghais Dhòmhnaill à Marabhaig, an ceann a deas sgìre na Loch air taobh sear Eilean Leòdhais, gu chùl; an duine bho dheireadh a bha ag iasgach a’ sgadain a Leòdhas a th‘ air sgeul an-diugh agus e a‘ sreap ri ceithir fichead ’s a còig deug. Rugadh e ann an 1928 agus thòisich a bheatha iasgaich aig aois gu math òg. Cha deach a thogail dhan chogadh ri linn cuing agus bha e ag iasgach a-mach à Steòrnabhagh fad bhliadhnaichean a' chogaidh 's fad dà fhichead bliadhna às dèidh sin. Còmhla ris air an h-aon eathraichean fad nam bliadhnaichean sin bha a dhithis bhràithrean, Donnchadh ‘s Murdo John, le bhràthair Domhnall còmhla riutha greiseag cuideachd. A seo tha e ag innse Annella Nicleòid, tha e ag innse mu iasgach a' sgadain, iasgach an èisg ghil agus iasgach nam muasgan-caola.

Chan eil duine a th’ air a bhith ag iasgach dà fhichead bliadhna nach eil air a bhith ann an gàbhadh uair na uaireigin agus cha robh Murchadh air a chaochladh. A seo tha e ag innse cho cunnartach agus a dh'fhaodas e a bhith aig muir. Cluinnidh sinn cuideachd mu na bha e ris bho thàinig e air tìr agus mun ghàrradh iongantach a tha e air a chruthachadh.