05/10/2021 le Maureen NicLeòid

Cluinnidh sinn mar a tha cuid de sgìrean ionadail ann an Alba an urra ri luchd-smàlaidh pàirt-ùine gus dèiligeadh ri suidheachaidhean èiginneach. Às aonais an saothair a tha na buidheanan saor-thoileach seo a' dèanamh cha bhiodh cobhair ri fhaotainn cho luath agus bhiodh barrachd call anns na coimhearsnachdan beaga.

Tha am bogsair Manny Pacquiao, aig aos 42, a' leigeil dheth a dhreuchd. Sna 26 bliadhna a tha e air a bhith a' sàs san spòrs thog e 12 de phrìomh tiotalan an t-saoghail. Tha cuid den bheachd gur e aon de na bogsairean as fheàrr a-riamh. Bheir an t-eòlaiche-bogsaidh, Iain Aonghas Dòmhnallach, eachdraidh beatha a' bhogsair dhuinn; an dileab a dh' fhag e agus mar a tha e a-nise gu mòr a' sàs ann am poileataigs Poblachd nan Eilean Filipineach.

Agus innsidh Aonghas Pàdraig Caimbeul dhuinn gur ann air an t-seachdain seo ann a 1694 a rugadh am Morair Deòrsa Moireach.