14/09/21

Ann an agallamh a chaidh fhoillseachadh sa phàipear-naidheachd The Inverness Courier, chaidh innse gun tuirt ceannard ùr Oilthigh na Gàidhealtachd agus nan Eilean, an t-Ollamh Todd Walker, gu robh làithean nan 'cùrsaichean faoin' aig UHI seachad. Tha seo air fearg a chur air mòran agus tha an t-Ollamh Walker air leisgeul dhaoine iarraidh. Gheibh Coinneach beachd air na chaidh a ràdh san agallamh.

Tha Dòmhnall Dòmhnallach a' toirt dhuinn na naidheachdan teicneòlais as ùire.

Tha Maureen NicLeòid a' beachdachadh air prògram Panorama a chaidh fhaicinn a-raoir air BBC1. Anns a' phrògram chualas mu fhianais a tha a' ceangal companaidh tombaca ri seann Phrìomh Mhinistear Zimbabwe, Robert Mugabe.

Agus tha Aonghas Pàdraig Caimbeul a' coimhead air na thachair an t-seachdain sa ann an eachdraidh. Tha e a' tilleadh gu 1640 nuair a bhàsaich a' chiad Iarla Shruighlea, Uilleam Alexander.