Motherwell le Deborah Orr

Ann am prògram na mìos sa is ann air Motherwell, fèin-eachdraidh a chaidh a sgrìobhadh leis an neach-naidheachd agus an deasaiche Deborah Orr, a chaochail an-uiridh, a tha Marc a’ beachdachadh còmhla ri na h-aoighean aige, Catrìona Mhoireach agus Coinneach Moireasdan. Cuideachd sa phrògram, bidh Marc a’ còmhradh ris an sgrìobhaiche ùr, Mòrag Law, mun cho-chruinneachadh de sgeulachdan goirid aice, air a bheil Cuibhle an Fhortain agus cluinnear beachdan nan ùghdaran Catrìona Lexy Chaimbeul agus Dòmhnall S. Moireach air a’ chonnspaid a tha a' cuairteachadh an nobhail American Dirt le Jeanine Cummins.