Cuairt mu thimcheall Westminster

Tha Coinneach ann an Westminster a-rithist an-diugh agus e a’ toirt sùil air cuid de na làraich as ainmeil an Lunnainn.

Na chuideachd aig Pàrlamaid na Rìoghachd Aonaichte tha Torcuil Crichton, a tha ag innse cho dona is a tha staid an togalaich. An ceann dha na thrì bhliadhnaichean tha dùil gun gluais luchd-pàrlamaid gu togalach ùr fhad ’sa leanas obair càraidh air an lùchairt.

Tha Iain Alasdair Moireach a’ toirt Coinneach air cuairt sìos an rathad bhon Phàrlamaid – is iad a’ faicinn Horse Guards Parade, Roinn an Ionmhais agus Ceàrnag Naoimh Sheumais.

Agus ann am pìos bhon tasglann bho 2012, tha Stephen Blair is Tommy MacAsgaill ag innse mu àite eile san sgìre far a bheil na ceudan Ghàidheil air an tiodhlacadh – àite a tha an-diugh na raon cluiche sgoile. bbc.co.uk/coinneach