Air chèilidh tha Zachary Wallace à Canada

Dà uair a thìde de chòmhradh agus ceòl air leth còmhla ri Iain Mac'illeMhìcheil, a' craoladh beò à Glaschu. An t-seachdain sa, bidh sinn a’ cur fàilte air Zachary Wallace à Ontario. Tha e an-dràsta an sàs mar oileanach ann an taigh-tasgaidh agus ionad ealain Taigh Chearsabhagh an Uibhist a Tuath, far am bheil e air a bhith ag obair am measg rudan eile air film mu iasgach a ghiomaich ann an Griomsaigh, rud a tha air còrdadh ris gu mòr. Tha e an dùil tilleadh a Chanada a dh’aithghearr , far am bi e ag ionnsachadh lagh, ann an Toronto.
Dh‘ionnsaich Zachary Gàidhlig na òige, tro chuid ùidh ann an òrain sa chànain, gu h-àraid. Nuair a thachras sinn a-nochd, bidh e air ùr thilleadh à fèis Ceòlas.
Cluinnidh sinn a chuid sheanchas, agus ceithir roghainnean ciùil pearsanta. Mar as àbhaist cuideachd, bidh measgachadh math de sheinneadairean is còmhlain aig Mac'illeMhìcheil fhèin dhuinn. Tha iad sin uile air an taghadh eadar Country, Americana is ceòl traidiseanta, le seann òrain agus feadhainn a tha buileach ùr air an clàradh.