Mòrag Stiùbhart

Rugadh Mòrag Stiùbhart ann an Uibhist a Tuath ach thogadh i ann an Griomasaigh; mar sin, tha i a’ measadh an eilein sin mar a dachaigh.
Tha an guth aig Mòrag glè aithnichte ann an saoghal nan Gàidheal oir tha i air a bhith an sàs ann an obair craolaidh, mar riochdaire ’s mar chraoladair, bho cheumnaich i bho Oilthigh Ghlaschu anns na seachdadan. Tha i an-diugh an luib companaidh telebhisein neo-eisimeileach agus tha i stèidhichte san Eilean Sgitheanach. Thar nam bliadhnaichean tha Mòrag cuideachd air cliù a chosnadh mar sgrìobhaiche, mar eadar-theangadair agus mar neach-teagaisg.