Nuair bha mi Òg

Chan eil fios cinnteach cuin no càite an d' rugadh Màiri ach b' ann san Eilean Sgitheanach mun bhliadhna 1821, agus b' ann san eilean sin a chur i seachad làithean a h-òige. Phòs i greusaiche, Ìsaac Mac a' Phearsain, san t-Samhain 1847 agus bha co-dhiù sianar chloinne aca. Chaochail Ìsaac ann an 1871 agus thàinig air Màiri a dhol a dh'obair mar shearbhanta.

Ann an 1872, chaidh cur às a leth gun do ghoid i aodach bhon tè aig an robh i ag obair fhad 's a bha seirbheis an tòrraidh aice a' dol air adhart. Chaidh a chùis a dhearbhadh na h-aghaidh agus fhuair i binn dà fhichead latha as a' phrìosan. B' ann an dèidh seo a thòisich i ri òrain a dhèanamh, oir mar a dh'innis i fhèin: "S e na dh'fhuiling mi de thàmailt a thug mo bhàrdachd beò."

Sa phrògram cluinnidh sibh An t-Oll Dòmhnall Meek a' toirt cunntas air beatha Màiri agus e fhèin 's Iain Dòmhnallach, Ceana Chaimbeul, Donaidh Rothach, Art MacCarmaig, Anna Mhàrtainn agus Coinneach MacThòmais a' beachdachadh air a' bhàrdachd.

'S i Ceitidh Mhoireasdan a tha ag aithris na bàrdachd.