Brexit a Chyngreswragedd America

Wrth i Theresa May barhau i geisio dwyn perswâd ar yr Undeb Ewropeaidd i gytuno i newidiadau i gytundeb Brexit, mae Vaughan Roderick a'i westeion yn trafod y diweddaraf, gan gynnwys y dadlau wedi i Donald Tusk awgrymu fod 'na le arbennig yn uffern i'r rhai hynny a oedd wedi hybu Brexit heb fod ganddyn nhw gynllun.

Trafodaeth hefyd ar gyngreswragedd America, ar ôl i'r Democratiaid wisgo dillad gwynion wrth fynychu araith fawr yr Arlywydd Trump ar gyflwr y genedl. Beth yw sefyllfa gwleidyddion benywaidd yr Unol Daleithiau yn yr unfed ganrif ar hugain?

Dr. Marion Loeffler, Heulyn Davies ac Angharad Mair sy'n gwmni i Vaughan.