1/2

'S ann am Partaig ann an Glaschu, ann an dachaigh Ghàidhealach, a thogadh an Dtr Niall MacilleDhuinn. Chaidh e a Shiorrachd Adhair gu bhith na dhotair-teaghlaich ann an Inbhir Gharbhain ann an 1977. Tha e air a bhith a' fuireach san sgìre bhon uairsin. Chuir luchd-èisteachd prògraman Gàidhlig a' BhBC eòlas air a ghuth anns na 50an is na 60an nuair a bha Niall an sàs ann an iomadach prògram radio. Bhruidhinn Niall ri Catriona Mhoireach mu a bheatha is iad a'coimhead a-mach gu Creag Ealasaid deich mìle a-mach bhon taigh aige ann an Inbhir Gharbhain.