1 of 3

'S ann air a' chòigeamh latha den Fhaoilleach 1917 a nochd a' chiad iris den phàipear-naidheachd ionadail, Gasaet Steòrnabhaigh. B' e Uilleam Grannd, fear-naidheachd à Inbhirnis a bha air a bhith ag obair aig a' Highland News a thòisich e, agus às dèidh a bhàis ann a 1932, ghabh a mhac James Shaw Grant os làimh obair an neach-deasachaidh, obair a lean e a' dèanamh gu tràth sna 60an.

Anns a' phrògram seo tha luchd-leughaidh a' cuimhneachadh air na bha am pàipear ionadail a' ciallachadh dhaibh agus a' meòrachadh air mar a bha
Gasaet Steòrnabhaigh gu mòr an urra ri sgrìobhadairean eadar-dhealaichte airson a bhith a' cumail fiosrachaidh ris an luchd-leughaidh air gach nì, beag no mòr, a bha a' gabhail àite anns na coimhearsnachdan aca fhèin eadar Rubha Robhanais agus Ceann Bharraigh. Bha gu leòr le colbhan sònraichte aca dhaibh pèin, a bha air leth tarraingeach anns an dòigh anns an robh iad air an sgrìobhadh mar a tha Ceitidh Anna NicChoinnich a' faighinn a-mach. B'e cuid de na colbhan a bhiodh a' nochdadh - Gàidheil Ghlaschu, Bodach às a' Rubha aig Uilleam Carrocher agus cluinnidh sinn na bh' aig Seòras Moireasdan à Tolostadh bho Thuath ri ràdh anns na Brevities.

Cuideachd, cluinnidh sinn an t-àite a bh' aig sanasan anns a' Ghasaet aig aon uair agus coinnichidh sin ri Catrìona NicDhòmhnaill às na Hearadh a bhiodh a' sgrìobhadh dà cholbh 'Letter from the Croft' agus 'Comment from the Edge'.