Ceistean an-àbhaisteach do Mhàiri NicAonghais

Anns an treas prògram, tha liosta cheistean an-àbhaisteach aig Iain MacIlleMhìcheil do Mhàiri NicAonghais a rugadh ann a Baghasdal a Tuath, ann a Uibhist a Deas. Bha seinn a' còrdadh rithe bho bha i na nighean bheag agus aig toiseach na h-ochdan bha i am measg an fheadhainn a b' òige a choisinn Bonn Òr a' Chomuinn Ghàidhealaich riamh. A' bhliadhna às dèidh sin, bhuannaich i a' phrìomh fharpais Phan Chèilteach ann an Èirinn. Bhon uairsin, tha Màiri air bhith aithnichte mar sheinneadair air leth tàlantach, an dà chuid air àrd-ùrlaran air feadh an t-saoghail agus air prògraman rèidio agus telebhisean de gach seòrsa - nam measg Songs of Praise, Na Daoine Beaga, An Teaghlach agus Alleluia.

A bharrachd air a bhith a' seinn san t-seann nòs, tha i air a bhith a' seinn còmhla ri luchd-ciùil às gach ceàrnaidh aig Tattoo Rìoghail Dhùn Èideann le còisirean Albannach agus Cuimreach agus leis na còmhlain-ciùil Runrig agus Mouth Music. Tha i cuideachd na h-oide seinn aig Conservatoire Rìoghail na h-Alba ann an Glaschu.