Boneddigion

John Hardy gydag archif, atgof a chân yn ymwneud â boneddigion, gan gynnwys Tegeryn Prytherch Jones yn sôn am ei gyfaill lliwgar, yr Arglwydd Caerfaddon.

Fe glywn am Syr Thomas Duncombe Love Jones-Parry. Roedd sgweiar Stâd Madryn, Pen Llŷn, yn wleidydd amlwg yn ei ddydd, ynghyd â bod yn dipyn o dderyn.

Blodwen Evans o Gricieth sy'n sôn am weini yn Downing Street pan oedd Lloyd George yn brif weinidog, wrth i Mary Elizabeth Jones sgwrsio am wasanaethu teulu bonedd yn Lerpwl ar ddechrau'r ugeinfed ganrif.

Hefyd, Islwyn Ffowc Elis yn sôn am sgwennu ei lyfrau, Cysgod y Cryman ac Yn Ôl i Leifior.