Adar

Mynd i fyd yr adar mae John Hardy ar yr ymweliad hwn ag archif Radio Cymru.

Wrth i Ted Breeze Jones sôn am y barcud, mae Twm Morys a Dewi Ensul Lewis yn mynd ar drywydd yr enwau llafar sy'n cael eu rhoi ar adar.

A ydych chi erioed wedi clywed am iaith y brain? Harri Gwynn sy'n holi Wil Parry o Fodwrog am yr iaith estron yma, a fe glywn ni hefyd gan Dewi Thomas am ei swydd anarferol yn dychryn adar.

Sôn am ddychryn adar, mae Tom Parry yn trafod Y Bwgan Brain gan I. D. Hooson, cyn i ni gael hanes Jack Evans o'r Bala yn chwarae i'r Adar Gleision ar ddechrau'r ganrif ddiwethaf.