Anarchy Arias

Adolygiad o albwm The Anarchy Arias, sef fersiynau clasurol ac operatig o ganeuon pync fel God Save The Queen gan Sex Pistols a London Calling gan The Clash yn cael eu perfformio gan y Gerddorfa Ffilharmonig Frenhinol. Dr Owain Llwyd sy'n rhoi ei farn.

Sylw hefyd i ddwy ŵyl wahanol iawn, sef Gŵyl Lyfrau Penfro a Gŵyl Gerddorol Machen Isaf, ac i gyfres ddrama i blant sydd wedi ei hysbrydoli gan gymeriadau llenyddol a ymddangosodd gyntaf yn 1927.