Bàird Baile

Mar phàirt de na tachartasan a tha a' comharrachadh dà fhichead bliadhna den chompanaidh foillseachaidh Acair, chaidh cuirm sònraichte a chumail bho chionn goirid mu dheidhinn Bàird Baile. Bha Tormod Macleòid, Dòmhnall Ryno Moireasdan agus Dòmhnall Meek an làthair. 'S e Bàrd Baile a th' ann an Tormod MacLeòid, à Siadar a' Chladaich ann an Leòdhas, tha Dòmhnall Ryno Moireasdan a' bruidhinn mu bhàrdachd bràthair athair, am bàrd-baile, Murchadh Moireasdan neo "Jellicoe" mar a dh'aithnichear e ann an sgìre Nis ann an Leòdhas agus tha Dòmhnall Meek, a bhuineas do Thìoradh, ag innse mar a thòisich e fhèin air bàrdachd a sgrìobhadh. bbc.co.uk/coinneach.