Coinneach madainn Dimàirt

Tha an t-innleadair ainmeil Nikola Tesla air a thiodhlaigeadh ann an taigh-tasgaidh ann an Serbia. Ach bho chionn ghoirid tha iarratas airson a ghluasad gu cladh air connspaid adhbhrachadh. Ach cò a bh' ann? Tha Murchadh Moireach ag innse beagan mu bheatha.

'S iomadh duine a bhlais bainne blàth bho ùth na bà thairis na bliadhnaichean, ach chaidh sin às an fhasan. An-diugh ge-tà, tha e coltach gu bheil bainne nach tèid atharrachadh neo a bhlàthachadh a' tilleadh gu cuid a sgeilpichean. Cluinnidh sinn bho thriùir a bha uair gu math eòlach air bleoghann na bà.

Cuideachd, tha e coltach gu bheil soithichean gun chriutha gu bhith a' marcachd cuain san àm ri teachd. Ach saoil a bheil a leithid comasach no sàbhailte?

Agus mu dheireadh tha an sgrìobhadair Aonghas Phàdraig Caimbeul air ais le leabhar ainmeil eile mu na h-Eileanan - an-diugh an leabhar aig Màrtainn Màrtainn mun turas aige a Hiort ann an 1697. bbc.co.uk/coinneach.