14/04/2017

Dà uair a thìde de shàr cheòl is còmhradh còmhla ri Iain Mac 'ille Mhìcheil, a' craoladh beò à stiùdio a' BhBC ann an Glaschu. An t-seachdainn sa bìth Iain a' cur fàilt' air Criosaidh Nic a' Ghobhainn.
'S ann à baile Liùrbost, ann an sgìre nan Loch ann an Leòdhas, a tha Criosaidh bho thùs. Tha ì air a bhith fuireachd ann an Dun Èideann bliadhnaichean mòra, far an robh ì cha mhòr fad a dreuchd ag obair ann an gniomhachas nam bancaichean. A bharrachd air a sin ge tà, tha Criosaidh riamh air a bhith measail air dràma Gàidhlig - a' gabhail pàirt an dà chuid air àrd-ùrlar còmhla ri leithid Chluicheadairean Dhun Èidinn, ach cuideachd air an sgàilean. An-diugh, 's aithne do'n luchd-amharc ì mar 'Mòrag' anns an t-sreath telebhisein Bannan.
Cluinnidh sinn seanchas Chriosaidh, agus ceithir de na roghainnean ciùil pearsanta aice. A bharrachd air a sin, bìth measgachadh math de cheòl is òrain air a thaghadh le Iain, a' toirt a-steach cuid de na guthan 'Country' is fheàrr a th'ann.