07/04/2017

Dà uair a thìde de shàr cheòl is còmhradh còmhla ri Iain Mac 'ille Mhìcheil, a' craoladh beò à stiùdio a' BhBC ann an Glaschu. An t-seachdainn sa bìth Iain a' cur fàilt' air Màiri Anna NicUalraig.
Tha Màiri Anna gu bhith siubhal a Nirribhigh a dh'aithghearr, agus ì gabhail pàirt sa chuairt dheireannach Liet International, an fharpais airson sgrìobhadh òran ùr ann am mion-chànain na h-Eòrpa. 'S ì aon de dh'ochdnar bho air feadh na Roinn-Eòpra a th'air a dhol troimhe chun a' chuairt dheireannach, agus seinnidh ì òran ùr a rinneadh leis a' bhàrd Marcas Mac an Tuairneir.
Tha an t-òran Grioglachan a' dèanamh luaidh air beatha a co-ogha agus co-obraiche ciùil, Magaidh Dhòmhnallach, a shiubhail gu h-obann an uiridh.
Tachraidh Liet International Diardaoin sa Ghiblean ann an Kautokeino, an ceann a tuath Nirrbhigh.
Stamhradh seo tighinn, tha dùil cuideachd ri clàr ùr bho Mhàiri Anna agus luchd-ciùil eile, air fhoillseachadh fo'n bhratach ceòl-cruinne.
Cluinnidh sinn seanchas Mhàiri Anna, agus ceithir de na roghainnean ciùil pearsanta aice. A bharrachd air a sin, bìth measgachadh math de cheòl is òrain air a thaghadh le Iain, a' toirt a-steach cuid de na guthan 'Country' is fheàrr a th'ann.