2/4 Seonaidh Fhionnlaigh - ùghdar, craoladair, neach-foghlaim. Sgeulachd beatha Iain Mhoirich

Nuair a dh'fhàg Iain Moireach Bun-sgoil Bharabhais cha robh e follaiseach ann an dòigh sam bith gu robh dad sònraichte mu na sgilean sgrìobhaidh aige. Bha e na dheugaire agus a-mach às an sgoil mus tàinig na sgilean sin am follais. Dh'fheuch e an toiseach ri bàrdachd a sgrìobhadh ach, ann an ùine gu math goirid, thuig e nach robh e dol a dhèanamh beò-shlaint bho bhith na bhàrd oir nach b' ann sa ghnè sgrìobhaidh seo a bha na sgilean aige. Às dèidh dha a chùl a chuir ris a' bhàrdachd thòisich e air sgrìobhadh sgeulachdan agus a' leudachadh an uairsin gu bhith sgrìobhadh deilbh-chluiche, sgilean a bha dol dha leantainn airson a' chòrr dha bheatha. Ach bha obair eile aige ri dhèanamh cuideachd, oir às dèidh bhith deiseil san oilthigh agus sa cholaiste fhuair e obair na thidsear ann an sgoil ann am Baile nam Feusgan.