1/4 Seonaidh Fhionnlaigh - ùghdar, craoladair, neach-foghlaim. Sgeulachd beatha Iain Mhoirich

Anns an t-sreath seo de sgeulachd beatha tha sinn a' coinneachadh ri ùghdar, craoladair, neach-deasachaidh agus neach-foghlaim. Sa sgìre aige fhèin ann am Barabhas ann an Leòdhas 's e Seonaidh Fhionnlaigh 'an Uilleam a th' aca air, ach ann an saoghal litreachais tha sinn nas cleachdte ri bhith cluinntinn an ainm Iain Moireach.
Rugadh is thogadh Iain ann an sgìre Bharabhais. Na òige bhiodh e leughadh tòrr dha na leabhraichean a bhiodh a' tighinn gu bhràthair bho cluba leabhraichean ach a dh'aindheoin sin cha robh dad follaiseach troimh bhliadhnaichean a' bhun-sgoil gun robh sgilean sgrìobhaidh aige. Nuair a dh'fhàs e na bu shine dh'fheuch e an toiseach ri bàrdachd a sgrìobhadh ach cha robh e fada gus an d'fhuair e a-mach nach e b' e bàrd a bh' ann. Às dèidh sin thòisich e a' sgrìobhadh sgeulachdan goirid is drama, cuspairean a shoirbhich leis thar nam bliadhnaichean mar a chluinneas sinn ann an t-sreath seo.

Anns a' chiad phrògram tha Iain gar toirt air ais gu làithean òige ann am Barabhas agus ag innse dhuinn mu theaghlach.