5/5 An t-Urr Aonghas Mac a' Ghobhainn - na h-eaglaisean san robh e

Bha an t-Urramach Aonghas Mac a' Ghobhainn na mhinistear airson còrr math air leth-cheud bliadhna, an toiseach san Eaglais Shaor agus san Eaglais Shaor Chlèireach. Chuir e seachad a' mhòr chuid dhan mhinistrealachd sin san Eilean Sgitheanach agus a Leòdhas, far a robh e a' fuireach mu dheireadh. Ach b' ann air Ghalldachd a chaidh a thogail agus chaidh sìol na ministrealachd a chur ann na bhalach gu math òg.

Thàinig e gu Crìosd na bhalachiaig àm an Dàrna Cogadh am Baile Ghobhainn an Glaschu far na thogadh an teaghlach, agus bhiodh e a' gabhail a h-uile cothrom a gheibheadh e airson a bhith bruidhinn ri cho-aoisean mun t-soisgeil, agus às dèidh sin nuair a bha taghadh aige a dhol dhan oilthigh neo dhan arm. An toiseach rinn e a Sheirbhis Nàiseanta ann am Palestine 's a Libya agus thill e air ais a Ghlaschu. B' urrainn dha a-nis a dhol dhan oilthigh mar a bha dùil aige, ged nach b' ann còmhnard dhan mhinistrealachd a chaidh e. Ach dh'atharraich sin nuair a fhuair e an comharra ris a robh e a' feitheamh.

Thug an t-Urramach Mac a' Ghobhainn deich bliadhna na mhinistear ann an Eaglais Shaor Shnìosoirt san Eilean Sgitheanach. 'S cha b' e searmonachadh an dùbhlan bu mhotha a bha mu choinneamh idir, gu h-àraid ann an 1965, agus e a' strì an aghaidh aiseagan Sàbaid san Eilean Sgitheanach; bha e cuideachd a' cothachadh ri buaidh na dibhe sa sgìre.

Sa phrògram mu dheireadh san t-sreath, còmhla ri Maureen Nicleòid, tha e ag innse mar a dh'fhàg e an Eaglais Shaor agus mar a chaidh e dhan Eaglais Shaor Chlèirich.

Chaochail Mgr Mac a' Ghobhainn san Lùnastal am-bliadhna.