Hanes Cymru

A hithau’n gyfnod dathlu canmlwyddiant T Llew Jones, poblogeiddio hanes Cymru sy’n cael sylw Gari Wyn yn y rhaglen hon. Sut mae mynd ati i gyflwyno hanes Cymru mewn ysgolion, a pha mor bwysig ydi hanes Cymru i ddisgyblion heddiw? Ai drwy ddarllen nofelau hanesyddol mae tanio dychymyg pobl ifanc? Dim ond rhai o’r cwestiynau sy’n codi yng nghwmni Dr Elin Jones a John Dilwyn Williams. Mae pennaeth adran hanes a rhai o ddisgyblion Ysgol Tryfan, Bangor, hefyd yn cael cyfle i roi eu barn.