Llenyddiaeth plant

I gyd-fynd â chanmlwyddiant geni T Llew Jones, llenyddiaeth plant sy'n cael sylw John Hardy ar yr ymweliad hwn ag archif Radio Cymru. Yn ogystal â chlywed y dyn ei hun yn sôn am ei nofel gyntaf a'i ddyhead i fod yn sgwennwr proffesiynol weddill ei oes, mae'r pytiau eraill yn cynnwys Idris Morris Jones a Rebecca Harries yn trafod poblogrwydd aruthrol - os nad brawychus - cyfres deledu Caffi Sali Mali. Mae 'na sylw hefyd i Lyfr Mawr y Plant a Rala Rwdins, yn ogystal â hanes clwb llyfrau Cymraeg Sbondonics gan Menna Lloyd Williams.