Episode 62

Thòisich iomairt shònraichte an t-seachdain seo ann an 1915 ann an Artois an ceann-a-tuath na Frainge, le Breatainn 's an Fhraing a' dèanamh an oidhirp a bu mhotha fhathast air bristeadh tron a' loidhne Ghearmailtich sa cheàrnaidh sin. Bha na Breatannaich ri dhol an sàs aig Loos-en-Gohelle, beagan tuath air baile-mòr Lens, agus na Frangaich dìreach gu deas air a sin agus ann an sgìre Champagne.
Bha an ionnsaigh air taobh Bhreatainn fo stiùireadh Sir Iain French agus Sir Dùghlas Haig. B' e seo an ionnsaigh a bu mhotha a bha Breatainn air a chur air chois anns a' Chogadh chun a seo, le sia Divisions an sàs sa chiad dol-a-mach is a dhà eile a' toirt taic.

Thòisich Blàr Loos tràth air a' chòigeamh là fichead den t-Sultain 1915 agus tha Gilleasbuig MacDhòmhnaill a' toirt dhuinn iomradh air na thachair.