Gilleasbuig Fearghasdan agus an Dr Catrìona NicRath

Tha Anna NicLeòid a' còmhradh ri dithis eile mu na leabhraichean as fheàrr leotha agus a' faighinn a-mach barrachd mun bheatha aca. Anns a' phrògram seo tha an craoladair Gilleasbuig Fearghasdan a' bruidhinn mu dheidhinn an leabhar a tha a' comharrachadh ceanglaichean pearsanta ri Canada agus cuideachd mar a tha leth-bhreac de dh'fhaclair sònraichte cho cudromach dha. Nuair nach bi Catriona NicRath trang na dreuchd mar dhotair-teaghlaich tha an leughadh aice ga toirt gu Majorca agus Afghanistan am measg àiteachan eile. Tha i cuideachd a' mìneachadh cho cudromach 's a tha leughadh dhan teaghlach aice agus mar a thug leabhar a bha an nighean aice a' leughadh buaidh mhòr oirre.

A bharrachd air a bhith a' bruidhinn mu na leabhraichean as fheàrr leotha tha iad air aon dhiubh sin a mholadh dha chèile airson a leughadh agus gheibh sinn a-mach an do chòrd no nach do chòrd na leabhraichean sin riutha.