Ymgyrch IS - pardduo Moslemiaid?

Mae rhaglen faterion cyfoes Radio Cymru yr wythnos yma yn clywed sut mae'r ffaith fod hyd at bum cant o bobol o Brydain wedi teithio i Syria i ymladd fel jihadwyr yn effeithio ar fywydau Mwslemiaid yng Nghymru. Gydag adroddiadau am fudiadau eithfol fel Y Wladwriaeth Islamaidd ( IS ) yn herwgipio a thorri pennau gwystlon, mae rhai Mwslemiaid yn ofni bod pobol yn y gymuned ehangach yn credu mai eithafwyr ydynt hwythau hefyd. Ond mae Cymry sy'n Fwslemiaid sydd wedi bod yn siarad â Manylu yn dweud mai crefydd o gariad, elusen a charedigrwydd yw Islam a bod y ddelwedd sy'n cael ei chyflwyno ohoni'n aml ar y cyfryngau yn anghywir.