Dyfroedd dyfnion? Y myfyrwyr sy'n boddi oherwydd dyledion costau byw.

Ydi costau byw yn golygu fod myfyrwyr yn methu a chwblhau eu cyrsiau gradd? Ydi yn ôl undeb cenedlaethol y myfyrwyr sydd wedi holi bron i ddwy fil o bobl ifanc. Roedd un o bob tri yn dweud eu bod wedi ystyried gadael eu cyrsiau yn bennaf oherwydd costau byw uchel. Ond mae un economegydd yn dadlau fod na gynhaliaeth gadarn ar gael ar sail grantiau a benthyciadau yng Nghymru. Mae Llywodraeth Cymru eisoes yn cynnal adolygiad o gyllido addysg uwch. Bydd argymhellion yr adroddiad hwnnw yn cael eu cyhoeddi ym mis Medi 2016.