Seanmhair Neo-àbhaisteach 2

Tha am prògram seo agus prògram na seachdain sa chaidh air an dealbh gus toirt air a' chloinn smaoineachadh air cho cudromach 's a tha e a bhith a' tuigsinn agus a' toirt spèis do sheann daoine san teaghlach agus anns a' choimhearsneachd.

Anns a' phrògram seo, tha sinn a' coinneachadh ri Alex agus a' cur eòlas oirre fhèin 's air a caraidean agus a teaghlach. Thathar a' sùileachadh air Alex gum bi i a' tadhal air a seanair a tha ann an dachaigh sheann daoine. Chan eil Alex ro thoilichte mun seo agus b' fheàrr leatha a bhith ri spòrs còmhla ri a caraid.

Tron phrògram, tha cothrom aig an luchd-èisteachd beachdan mu chultar, dualchas, conaltradh agus spèis a rannsachadh.

An dèidh gach earrainn dhen phrògram, faighnichidh am preseantair ceistean. Dh'fhaodar iad seo a chleachdadh mar bhunait airson còmhradh clas no leigeil leis a' chloinn bruidhinn mun deidhinn ann an càraidean no ann am buidhnean.

Tha na prògraman air an dealbh gus taic a thoirt do chlann a tha ag obair a dh'ionnsaigh an dàrna 's an treas ìre den Churraicealam airson Sàr-mhathais.

Tha notaichean tidseir le gnìomhan obrach rim faighinn aig bbc.co.uk/foghlam.