12/06/2013

ceistean is duilighe riamh a chaidh fhoighneachd aig agallamh obrach. Cuideachd dè na ceistean a tha freagarrach am foighneachd agus an fheadhainn nach eil.

Ràinig fear de na cluicheadairean bocsa is ainmeil air Ghàidhealtachd, Fergie Dòmhnallach, mullach a' phrìomh dà fhichead anns a' World I Tunes Charts leis an òran The Shinty Referee. Tha Fergie an seo airson a bheachd a thoirt air an àite sònraichte seo a choisinn e.

Tha Jason Bond à Maine anns na Stàitean Aonaichte ag innse dhuinn mar a thàinig e chun na Gàidhlig, a' foghlam a fhuair e aig Colaiste St Francis Xavier ann an Alba Nuadh agus mar a fhuair e obair a' teagaisg ann an Àrd Sgoil Ìle.

Tha boireannaich a strì airson soirbheachas ann an saoghal a' cheòl chlassigeach, nas lugha na dh'aontaicheas iad ris an t-seann bheachd gu bheil feise a' cunntadh. Sin a thuirt Jenni Murray a bhios a lìbhrigeadh The Woman's Hour agus i a' dèanamh a-mach gu bheil boireannaich leithid Nicola Benedetti a tha a cluich a' violin agus Alison Balsom a tha a cluich an trombaid a' soirbheachadh air sgàth's gu bheil iad air am margaidheachd ann an dòigh pìosail. Cluinnidh sinn beachd bho thriùir eòlaichean cìuil. bbc.co.uk/coinneach.