MS

Anns an t-sreath ghoirid tha seo, tha Moira NicIllEathain a' togail air aon tinneas anns gach prògram agus a' toirt sùil mhionaideach air le eòlaichean agus le feadhainn air a bheil neo air a robh an tinneas.

An-diugh tha Moira a' coimhead ri tinneas MS, Multiple Sclerosis. Tha i a' bruidhinn ri triùir: Iain Dòmhnallach, Flora NicMhathainn agus Màiri Nic a' Ghobhainn air a bheil an tinneas. Tha sinn a' cluinntinn mar a mhothaich iad an toiseach gu robh rudeigin ceàrr, mar a tha an tinneas dham bualadh thairis nam bliadhna agus mar a tha iad dha làimhseachadh bho là gu là. Tha an Dotair Iain Mac a' Ghobhainn air a bhith na dhotair-teaghlaich fad dà fhichead bliadhna agus tha e a' mìneachadh dè a th' ann an tinneas MS agus dè an cuideachadh a th' ann air a shon. Tha sinn cuideachd a' cluinntinn bho bhanaltram MS, Rachel Mhoireasdan, a tha stèidhichte sna h-Eileanan an Iar agus i a' mìneachadh na tha an luib na h-obrach.