11/12/2007

Cuairt MhicIlleMhìcheil còmhla ri Dòmhnall Uilleam Stiùbhart. An t-seachdain seo tha Dòmhnall Uilleam a' leantainn Alasdair a Dhùn Èideann. Ann an 1884 dh'fhàg Alasdair Uibhist airson an turas mu dheireadh agus rinn e a dhachaigh aig 30 Royal Circus ann an Dùn Èideann. Cluinnidh sinn cò iad na Gàidheil eile a bha anns na bailtean mòra aig an àm sin agus dè seòrsa saoghal a bh'aca. Ged is e ainm Alasdair a tha sìos mar ùghdar leabhraichean Carmina Gadelica, cha robh e na aonar. Bha feadhainn ann a bha ga chuideachadh agus a' toirt comhairle dha. Am measg iad sin bha duine òg à Torlum ann am Beinn na Faoghla a chruinnich mòran beul aithris e fhèin. B'esan Iain Eòghainn MacRuairidh a thug dha an sgeulachd An Sealladh Mu Dheireadh do Rocabarraigh. Anns a' phrògram seo cluinnidh sibh mar a chaidh a' chiad dà leabhar den t-sia air a bheil an t-ainm Carmina Gadelica fhoillseachadh.