Tarasaigh

Cuairt MhicIlleMhìcheil còmhla ri Dòmhnall Uilleam Stiùbhart. Anns a' phrògram seo cluinnidh sinn mar a chuidich bean Alasdair, Màiri Francis, a cèile agus i gu mòr an sàs anns a' bhuidheann "Highland Home Industries" a bha a' brosnachadh obraichean leithid fighe agus fuaghal. Bhiodh Màiri a' coinneachadh nam boireannach agus ag innse do dh'Alasdair an fheadhainn a dh'fhaodadh a bhith feumail dha a thaobh an eòlais air seann òrain, leigheasan agus cleachdaidhean. Cluinnidh sinn cuideachd mu na thional e do stuth nuair a bha e air aoigheachd an Eilean Tharasaigh nam measg an t-òran ainmeil Ailean Duinn a thug e sìos bho Cheit Urchadan no Ceit Ruadh a bha a' fuireach air an eilean.