Fudge

500g siùcar donn
500ml uachdar
55 ml liqueur Èireannach
150g teòclaid gheal

Lìnig tiona ceàrnach mu 20cm le pàipear-bhèicearachd.

Cuir an t-siùcar, uachdar agus liqueur Èireannach ann am pana agus leig leis leaghadh air a shocair.

An uairsin, cuir suas an teas gu ìre goilidh. Leig leis goil gu slaodach, a plubadaich, fad 15-20 mionaidean.

Nuair a bhios coltas nas tighe air, tha e faisg air a bhith deiseil. Cuir spàin-tì dhe ann an uisge fuar – ma bhios e a’ cruthachadh ball anns an uisge, tha e deiseil.

Cuir a-steach an teòclaid. Nuair a tha a h-uile rud air a leaghadh a-measg a chèile, dòirt dhan tiona e. Leig leis fuarachadh fad co-dhiù dà uair a thìde, no tron oidhche, agus an uair sin geàrr am fudge ann am pìosan beaga.