Cèic currain

An cèic currain aig Joey NicAsgaill

An cèic

8 unnsaichean min-fhlùir a dh’èireas.

Spàin-tì caineal (cinnamon)

Spàin tì pùdair fuine

6 unnsaichean siùcar ruadh bog

2 unnsa cnothan-challtainn (hazelnuts), air an gearradh ann am pìosan beaga

8 unnsaichean currain air am bleith

2 ugh air am bualadh.

7 fl unnsaichean ola neòinean-grèine

An còmhdach siùcrach

200g càise bog

½ - ¾ pacaid siùcar pùdair

Cuir am flùr, siùcar, caineal agus pùdair-fuine tron t-sìoltachan agus dhan bhobhla. Cuir na cnothan agus currain a-steach ann agus measgaich gu math. Dòirt a-steach na h-uighean agus an ola agus measgaich a h-uile sian a’ cleachdadh spàin.

Dòirt na tha seo a-steach dha tiona air a bheil suathadh de dh’ìm agus crathadh de fhlùr. Bruich ann an àmhainn aig teas 180C airson faisg air uair a thìde.

Airson an còmhdach siùcrach – pronn an càise bog agus cuir an siùcar-pùdair a-steach, mean air mhean, a’ cleachdadh forca. Nuair a tha air tighinn còmhla, buail e airson a dhèanamh gu math mìn. Cuir seo air uachdar a’ chèic le crathadh de chnothan.