An cèic teòclaid

An cèic teòclaid aig Eilidh NicChoinnich

An cèic

8 unnsaichean min-fhlùir a dh’èireas

8 unnsaichean siùcar mìn

8 unnsaichean margarain

4 uighean

2 spàin-bùird uisge flodach

2 spàin-tì pùdair fuine

2 spàin-bùird cocoa

Cuir a h-uile sian còmhla dhan bhobhla agus measgaich gu math.

Roinn eadar 2 thiona a th’air an suathadh le ìm agus a lìnigeadh lè paipear. Bruich ann an àmhainn aig teas 160C airson 25 mionaid.

Airson meadhan agus mullach na cèic

2 unnsa ìm

1 unnsa cocoa

2 spàin-bùird uisge

6 unnsaichean siùcar pùdair

Buail an t-ìm, uisge, cocoa agus rud beag dhan siùcar-pùdair còmhla. Cuir an còrr dhen t-siùcar-pùdair ris, mean air mhean. Nuair a tha e mìn, tha e deiseil airson a dhol eadar an dà chèic agus air uachdar.