Ukraine war: Putin Russia ban Boris Johnson, UK senior ministers - List of ban officials
Wia dis foto come from, Getty Images
Vladimir Putin Russia don ban Prime Minister Boris Johnson and oda senior ministers from entering Russia.
Di move na over wetin Russia see as UK "hostile" stance on di war in Ukraine.
Foreign Secretary Liz Truss, Defence Secretary Ben Wallace and 10 oda senior politicians - mostly members of UK Cabinet -also chop ban.
Moscow say dem make di decision in retaliation to UK punishment against dem since dem invade Ukraine.
Wia dis foto come from, Reuters
For March, Moscow bin impose one similar ban against US President Joe Biden.
Other names on di list include:
Deputy Prime Minister, Lord Chancellor, and Secretary of State for Justice Dominic Raab
Secretary of State for Transport Grant Shapps
End of Di one wey oda users dey read well well
Home Secretary Priti Patel
The Chancellor Rishi Sunak
Minister of Entrepreneurship, Energy and Industrial Strategy Kwasi Kwarteng
Minister of Digitalization, Culture, Media and Sport Nadine Dorries
Minister for the Armed Forces James Heappey
First Minister of Scotland Nicola Sturgeon
Attorney General for England and Wales and advocate general for Northern Ireland Suella Braverman
Conservative MP and former British Prime Minister Theresa May.
Wia dis foto come from, Getty Images
Why Russia ban UK goment officials
Inside one statement, Russia foreign ministry say:
"London unbridled information and political campaign aimed at isolating Russia internationally.
Dis wey dey "create conditions for containing our kontri and strangling didomestic economy" dey responsible for Russia decision.
E add say: "In essence, di British leadership dey deliberately hieghten di situation around Ukraine.
Dem "dey pump di Kyiv regime with killing weapons and coordinating similar efforts on di part of Nato."
UK latest punishment against Russia
Earlier dis week, di UK and US goments bin announce further purnishment on Russia.
Di purnishment alias sanctions include financial measures designed to damage Russia economy.
And penalise President Putin, high-ranking officials, and pipo wey don benefit from im goment.
