South Africa looting updates: Protest, looting, riots in South Africa as Ramaphosa deploy military - Fotos

At least 72 pipo don die in side violence wey don spread across parts of South Africa.

Deadly riots don dey ground since di kontri former President Jacob Zuma hand himself into police last week.

Almost 1200 pipo don chop arrest inside di unrest wey begin as protests greet Zuma jailing on Thursday.

But protest turned violent over di weekend, with fires set, highways blocked and businesses looted.

Di rioters don do pass wetin police fit control across di rainbow nation.

Di protest in South Africa begin wen pipo begin frown against Jacob Zuma jailing.

But e don turn to looting plus riots and spread and go far across di rainbow nation.

Images from Durban, in KwaZulu-Natal, wey be Zuma home province, show as pipo rush in to loot shops.

Dem ransack one supermarket, according to reports.

Na di same tin wey happun ova di weekend, wit violence spreading to di city of Johannesburg.

On Sunday, protesters wey carry sticks, golf clubs and branches march through Johannesburg central business district.

Video footage show as pipo dey set businesses on fire.

Inside Johannesburg, footage show looters dey take televisions, microwave ovens and clothes.

Na last week di katakata start afta Zuma surrender himself to begin one 15-month sentence.

Dem kill pipo and arrest several odas.

More fotos from protests and looting in South Africa

More fotos from protests and looting in South Africa

Cyril Ramaphosa address: South Africa leader order military deployment

"Wetin we dey witness now na opportunistic acts of criminality, with groups of pipo wey dey instigating chaos merely as a cover for looting and theft,"

Na so President Cyril Ramaphosa tok for im address on Monday night.

"E no get bad blood alias grievance or political cause wey fit justify di violence and destruction wey we don seen in parts of KwaZulu-Natal and Gauteng."

President Ramaphosa order di immediate deployment of military to to stop di deadly violence wey don break out for some parts of di kontri.

Di leader of di rainbow nation also warn say di kontri dey at di verge of food and medication insecurity.

President Cyril Ramaphosa add say wetin dey happen wit di attack on public and private property na act of criminality.

Di Jailing of former president Jacob Zuma bin deadly riot wey worst yesterday

At least six pipo na im don die and nearly 500 dey arrested since Zuma present imself give police last week.