Lekki toll gate, Lagos Nigeria: Yemi Osinbajo speak on EndSARS protest shooting
Wia dis foto come from, Yemi Osinbajo
Nigeria Vice President Yemi Osinbajo on Wednesday night finally speak on di Lekki toll gate shooting during #EndSARS protest.
"My heart go out to all di victims of di Lekki shootings, and also di policemen and all oda men and women wey lost dia lives in di past few days in different parts of Lagos & oda states."
Na di message Vice President Yemi Osinbajo write for im official Twitter page to calm Nigerians down afta Tuesday night Lekki toll gate shooting wey kill at least 12 pipo, according to investigations by Amnesty International.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
Dis na di first time any pesin from President Buhari office alias presidency go speak 24 hours afta di killings wey happun wen armed sojas open fire at protesters.
"We pray say we go ever see a repeat of dis tragedies...." Di Vice President tok.
