Brexit: Boris Johnson tok say EU and UK don agree on new deal
Wia dis foto come from, PA Media
UK and EU negotiating team don reach new brexit deal before meeting of European leaders for Brussels.
Prime Minister Boris Johnson share di news ontop Twitter.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post, 1
Di two sides don dey work on di legal text of a deal, but UK and European parliaments go still gats approve am.
Di DUP don tok say dem no know if e go dey successful and dem no go support am.
Northern Irish party earlier release statement say dem no fit back proposals "as things dey", and - after di PM's announcement - dem tok say dia statement "still stand".
Labour leader Jeremy Corbyn tok say di deal sound "even worse" than wetin Theresa May, negotiate and make di MPs reject am.
But European Commission President Jean-Claude Juncker tok say di deal na "fair and balanced agreement".
For letter wey dey recommend di deal to European Council President Donald Tusk, he write: "Na time to complete di withdrawal process and move on, quick quick, to di negotiation on the European Union future partnership with di United Kingdom."
End of Di one wey oda users dey read well well
Im and Oga Johnson don ask dia parliaments to back di deal.
No 10 sources tell BBC political editor Laura Kuenssberg say Oga Johnson go ask EU leaders to reject request for extension of di Brexit deadline of 31 October.
MPs pass a law for September wey require di PM to request extension for 19 October if Parliament never agree to deal or if dem back leaving without deal by that date.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post, 2
Oga Johnson proposals for new Brexit deal wan remove di solution wey Theresa May and EU negotiate to solve issues around di Irish border afta UK comot.
By removing it, im hope to secure support of Brexiteers for im party and di DUP - wey hold di key to getting numbers for successful vote for di Commons.
EU chief negotiator, Michel Barnier, said di new deal go rest on four main elements:
- Dat Northern Ireland go remain align to limited set of EU rules, notably wey relate to goods
- Dat Northern Ireland go remain for di UK customs territory, but go "remain entry point" for di EU's single market
- Dat dem go get agreement to maintain integrity of di single market and satisfy di wishes of di UK over VAT
- Dat Northern Ireland representatives go fit decide whether to continue to apply union rules for Northern Ireland or not every four years
Mr Barnier tell tori pipo for Brussels dat di final point - go to allow votes for Northern Ireland Assembly - and na way dem follow di new approach.
Dem go base di decision on simple majority, rather than to get majority of both unionists and nationalists to support di rules so dem fit pass dem.
Di DUP don dey wit confidence and supply agreement with di Conservative Party since di 2017 election, which, for di past, give goment working majority.
But after resignations and removal of the party whip from more than 20 Tory MPs in recent weeks, Mr Johnson go face serious battle to get im deal through Parliament.
