Cameron Underwood: New face mean say I fit smile again
Wia dis foto come from, NYU Langone Health
Cameron Underwood say strangers no dey too look am or ask kweshun again since im get new face.
"I get nose, mouth, so I fit smile, tok and chop solid food again," im tok.
Cameron dey tok two years afta im shoot imsef as im try to kill imsef for 2016.
Im loss im nose, most of im lower jaw and remain only one teeth for wetin happun.
"I dey very happi to get face transplant because e give me second chance for life," di 26-year-old tell tori pipo for New York on Thursday.
"I don begin do tins wey I like, like to dey outside, do sports and spend time with my friends and family.
"I hope say I go begin work very soon and one day I go start family."
Wia dis foto come from, Underwood family
For January dis year, more than 100 medical staff do 25-hour surgery on Cameron for di NYU Langone Health centre for Manhattan, New York, and na last week im show face since im recover.
End of Di one wey oda users dey read well well
Since di first face transplant for 2005, dem don do more than 40 worldwide.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
'My pikin dey helep Cameron live beta life'
Wia dis foto come from, Getty Images
Di pesin wey donate face dem use na 23-year-old Will Fisher, wey be chess champion, pesin wey wan be writer and filmmaker.
"My pikin death na bad thing," im mama Sally tok.
"I no tink say I for fit survive as Will die if not for Cameron. Cameron get plenti life wey remain - and I happi say Willie dey help am get beta life," she tok.
Wia dis foto come from, Fisher family
