American Senator John McCain don die
Wia dis foto come from, Reuters
American Senator John McCain wey stop im cancer treatment on Friday don die.
Di Vietnam war hero wey later become senator and presidential candidate for America die on Saturday for age 81.
Oga McCain family bin dey by im side wen e die, according to statement wey im office give tori pipo.
Wia dis foto come from, EPA
Praises from world leaders, politicians and celebs dey pour for former American Vietman war hero John McCain.
Former American presido Barrack Obama say Senator McCain na man of big courage wey like to see America as place wey anything dey possible.
