Khloe Kardashian don born baby girl
Wia dis foto come from, Getty Images
E don happun again for di Kardashian house o! Baby number three don land as Khloe don born bouncing baby girl.
Dis na di third pickin wey dem don born since January 2018 till now, all baby girls.
Her mama, Kris Jenner don confam am for her Instagram post.
Dis article contain content wey Instagram provide. We ask for una permission before anytin dey loaded, as dem fit dey use cookies and oda technologies. You fit wan read di Instagram cookie policy and privacy policy before accepting. To view dis content choose 'accept and continue'.
End of Instagram post
E start with Kim Kardashian West as she and her husband Kanye West use surrogate mama born dia third pickin for 15 January.
Then di youngest sister Kylie welcome anoda daughter with her rapper boyfriend Travis Scott for 1 February.
Wia dis foto come from, Getty Images
Khloe now and her boyfriend Tristan Thompson come born dia daughter on Thursday 12 April.
Tori pipo TMZ say Tristan, dia mama Kris Jenner, Kourtney, Kim and her best friend Malika Haqq bin dey with her wen she born.
Dis na di first pickin for Khloe but di second pickin for Tristan wey don already get one year old son, Prince before.
End of Di one wey oda users dey read well well
