Atiku Abubakar manifesto: Nigeria 2023 presidential candidates dia manifestos

As Nigeria 2023 presidential election don dey draw near, candidates of different political parties don begin dey unveil dia manifestos.

Manifesto na public declaration of policy and aims, wey political candidates dey issue before any election.

Dis tori go outline di manifesto of some of di candidates wey dey run for di Nigeria 2023 presidential elections.

Bola Ahmed Tinubu, APC manifesto

Presidential candidate of di ruling party, All Progressives Congress (APC), Asiwaju Bola Ahmed Tinubu tag im manifesto, "Renewed Hope 2023 - Action Plan for a Better Nigeria" - e contain plenti areas of focus wey be National Security, Economy, Power, Agriculture, Healthcare and oda aspects.

E tok say standing on di foundation placed by di current administration, dem go;

  • Build a Nigeria, especially for di youth, wia enof jobs with decent wages go create better life
  • Manufacture, create, and invent more of di goods and services
  • Export more and import less
  • Generate, transmit and distribute sufficient, affordable electricity
  • Continue to assist farmers wey dey work hard and odas

National Security

Tinubu tok for im manifesto concerning National Security say dem go mobilise di entire national security, military and law enforcement assets to protect all Nigerians.

Dis go involve fighting terror, Banditry, kidnapping and violent agitation.

Skip Di one wey oda users dey read well well and continue reading
Di one wey oda users dey read well well

End of Di one wey oda users dey read well well

Among wetin e promise to do na to redefine military doctrine and practice and dis go touch on upgrading weapons systems, improving salaries and welfare of military and security personnel and odas.

E also tok for di manifesto about plan to reposition di police and do international collaboration.

Economy

  • Di APC presidential candidate tok say dem go adjust allocation of revenue between di federal and state goments to give states greater flexibility. odas concerning Tinubu economy plan na;
  • Improve existing industries
  • Build economy wey dey produce more of di everyday items, both agricultural and manufactured goods.
  • Review federal budgetary methodology
  • Stop di kontri reliance on imported goods. Importation of non-essential products go dey discouraged through policy measures including luxury taxes, higher tariffs, and higher processing fees.
  • Tax reform - dis na di review di corporate tax system and deploy technology and effective policies to better rationalise di system.

Agriculture

  • Tinubu tok for im action plan say access to Finance for agriculture mata go dey.
  • E say di governance and structure of di Bank of Agriculture (BoA) go dey reformed to enable di bank to fulfil dia core mandate to provide farmers with access to low-cost loans.
  • Encourage large-scale land clearing by developing plan to open uncultivated land to both small and large-scale farming and vertically integrated agri-business.
  • Farm Cooperatives - encourage local farmers to form voluntary cooperatives, for dem to fit pool dia resources so dat dem go fit buy or lease modern farming equipment, tools and fertiliser.

Power

  • Eliminate Estimated Billing: by making sure say all electricity bills na meter-based.
  • Generation and Transmission Targets
  • Make sure say more of di power wey di kontri dey already generate dem go fit transmit and distribute am to Nigerian homes and businesses.
  • Support for Domestic Manufacturing of Electricity Meters
  • Power Sector Governance Reform - by working with National Assembly to review di Electric Power Sector Reform Act 2005 and reform di regulatory and governance structure of di kontri and odas

Education

  • Provide quality Education for all
  • Teacher Training - introduce new accreditation requirements for teachers for federally funded primary and secondary schools.
  • Restructure Tertiary Institutions
  • Student Loan - introduce pilot student loan regime
  • Provide special Education Fund

Healthcare

  • Health Financing and National Health Insurance - dat na to Increase and more effective health spending
  • Mental Health and Drug Abuse - train primary healthcare workers on di early detection and treatment of mental illness and drug abuse
  • Care for Healthcare Workers and Job Creation

Omoyele Sowore, AAC Manifesto

Di presidential candidate of di African Action Congress, Omoyele Sowore share with BBC Pidgin im manifesto wey im title; "A pipo Manfesto for Total Liberation, di AAC Program for Revolutionary Transformation of Nigeria."

Sowore action plan na to focus on security, power, Education, Economy and job growth plus odas.

Justice, Peace and Security

  • Community oversight over policing
  • Truth and reconciliation commissions to stop di bleeding and heal di wounds
  • National amnesty program to disarm all violent groups
  • National victims Trust Fund (VTF) to compensate all victims of violent conflict

Economy and Jobs

  • Refresh power sector through decentralisation and clean energy mix: hydro, solar, wind tidal and biomas.
  • Reverse privatization of di power sector and nationalise di oil and gas sector
  • Expand local manufacturing
  • Support unions and collective bargaining across all industry
  • community co-ownership of extractive industry and support farming cooperatives

Welfare and Social Programs

  • Free education
  • primary healthcare for all
  • social housing for all

Democratic Restructuring

  • New pipo constitution based on nationwide consultation and referendum
  • cancel all discriminatory law against marginalised groups
  • support di right to self-determination

Atiku Abubakar, PDP Manifesto

Atiku Abubakar di presidential candidate of di People's Democratic Party, (PDP) title im manifesto "My Covenant with Nigerians".

E say di document list dia commitment to 5-point development agenda wey seek to:

  • Restore Nigeria unity, social justice and co-operation and consensus among everybody for di kontri;
  • Establish strong and effective democratic goment wey go guarantee di safety and security of life and property;
  • Build strong, resilient and prosperous economy wey go create job and wealth and lift di poor out of poverty;
  • Promote true federal system wey go provide for strong federal goment to guarantee national unity; and
  • Improve and strengthen di education system to equip dia recipients with di education and skills wey dey required to dey competitive for di new global order wey dey driven by innovation, science and technology.

Di manifesto, di 5-point development agenda na:

  • Provide qualitative Education
  • Re - structure di policy to foster unity and stability
  • Build dynamic economy for prosperity
  • Ensure safety and security of life and property
  • Restore unity in diversity

Build dynamic economy for prosperity

Atiku say dia agenda dey guided by 3 basic principle wey involve:

  • To re-affirm di important of private sector leadership and greater private sector participation in development.
  • Break goment monopoly for all infrastructure sectors, including di refineries , rail transportation and power transmission.
  • Allow di market upper hand for mata wey concern di prices and na through dis way, Atiku say dem go fit stop di continuous price distortion.

Oda tins mentions for di manifesto concerning di economy na: achieve diversification, expand di export base, build new economy.

Invest to increase stock and improve di quality of infrastructure

Atiku tok for di manifesto say dia goal na double dia infrastructure stock to approximately 70% of GDP by 2030.

Concerning how dem go achieve increase stock and improve di quality of infrastructure, di manifesto say:

  • Dem go establish infrastructure development Unit (IDU) for di presidency,
  • Strengthen di capacity of di ICRC to promote Public Private partnership (PPP) for di construction and management of infrastructure across di kontri
  • Privatize all goment-owned refineries and issue new licenses for greenfield investment for crude oil refining
  • Open di power sector from generation to transmission for private investments
  • Facilitate review of di financial, legal and regulatory environment to promote private investment for roads, rail, housing and power
  • Create infrastructure development credit Guarantee Agency, etc

Human capital development

Atiku list for im manifesto wetin im plan to do under Human capital development and na;

  • Poverty eradication and job creation - to lift 10m fellow Nigerians out of extreme poverty
  • Invest for Human capital development
  • Invest to enhance capability of di poor and vulnerable
  • Implement special and targeted interventions in support of di poor

Governance

Atiku say good governance go dey centered on:

  • Accountability
  • Predictability
  • Transparency
  • participation

We still dey update dis tori with oda candidates dia manifestos as we get dem.